| وصف الصوت | وصف الصورة | م |
| الموسيقى | المؤثرات | الحوار | | |
| | | | مشهد 135 ليل / داخلي النادي- صالة البلياردو | |
| | | البش مهندس: أيوة يا سيدي البت دي هتجنني خالص صديقه: أما أنت أمرك غريب.. فيها ايه عشان تتعلق بيها؟ البش مهندس: العناد.. يمكن لو كانت سهلة مكنتش فكرت فيها.. غيظني أوي اني مش قادر على بنت زي دي صديقه: مش يمكن شريفة يا أخي البش مهندس: مفتكرش.. المعاملة اللي بتعاملني بيها مش شريفة بالمرة.. وكل ما أفتكر اني خلاص وصلت ألقيها قلبت بغم ورجعت شريفة تاني صديقه: يبقى بتحب واحد تاني.. حاكم دول صنفهم كده.. ترفض النعمة وتدور على واحد من توبها.. يسكنها في عشة وتنام معاه على بورش | Long Shot للمهندس أمام طاولة البلياردو من الجهة الأخرى صديقه يضرب الكرة تقترب الكاميرا من المهندس chariot in cut | 370 |
| | صوت ضربة الكرة | | لقطة لطاولة البلياردو والمهندس يضرب الكرة cut | 371 |
| | | صديقه: تحب أقولك وصفة تخلصك منها البش مهندس: قول.. صديقه: أنا نازل على مصر.. تعالى معايا أضيلك يومين مع صحبتك سونيا.. وأنا أراهنك أنك هترجع من هناك فايق ورايق وآمنة دي ولا على بالك.. هه.. قلت ايه يا عم؟ البش مهندس: مليش مزاج.. صديقه: اعد اتعبد في جمال البرنسيسة بتاعتك | نفس تكوين لقطة 370 يخرج صديقه من شمال الكادر ويبقى المهندس يشرب الكأس dissolve | 372 |
| | | | مشهد 136 نهار / داخلي الصالة | |
| دخول موسيقى 43 | صوت فتح الباب | البش مهندس: آمنة | Medium Shot للمهندس يدخل ويغلق الباب، يخلع الجاكتة ويبحث عن آمنة في أرجاء البيت ثم يرجع مرة أخرى يفتح الباب cut | 373 |
| | | | مشهد 137 نهار / خارجي حديقة الفيلا | 374 |
| | | البش مهندس: بسيوني.. بسيوني.. | Very Long Shot للمهندس ينزل السلالم ويتقدم باتجاه الكاميرا ويخرج من شمال الكادر cut | 375 |
| | | | Long Shot للمهندس rear يتقدم للأمام حتى عمق الكادر cut | 376 |
| | | | Medium Shot للمهندس يتجه نحو حجرة بسيوني ويضرب على الباب cut | 377 |
| | | | Long Shot لآمنة low angle تنظر لأسفل cut | 378 |
| | | بسيوني: نعم يا بيه البش مهندس: لما انت هنا ما بتردش عليا ليه؟ بسيوني: كنت نعسان يا بيه البش مهندس: مين معاك جوة بسيوني: جوة! أبدا يا بيه! البش مهندس: طب تعالى كده | Medium Shot للمهندس يضرب على باب الحجرة، فيفتح بسيوني يبتعد بسيوني عن الباب وينظر المهندس داخل الحجرة cut | 379 |
| | | | نفس تكوين لقطة 378 cut | 380 |
| | | البش مهندس: أمّال فين آمنة؟ آمنة: أنا هنا يا سيدي.. | Medium Close-up للمهندس وبسيوني من زاوية منخفضة ونرى آمنة في عمق الكادر على السطح cut | 381 |
| | | آمنة: انت بتدور عليا؟ البش مهندس: انت بتعملي ايه عندك؟ | نفس تكوين لقطة 378 cut | 382 |
| | | البش مهندس: مش سمعاني بنادي من الصبح.. | نفس تكوين لقطة 381 cut | 383 |
| | | آمنة: سمعاك يا سيدي منا كنت نازلة أهه.. | American Shot لآمنة تتحرك لليمين cut | 384 |
| | | | نفس تكوين لقطة 381 ثم يخرج المهندس من يمين الكادر dissolve | 385 |
| | | | مشهد 138 نهار / داخلي حجرة المهندس | |
| خروج موسيقى 43 | | آمنة: هتوحشنا يا سيدي البش مهندس: بالذمة! آمنة: والنبي صحيح هتتأخر أد ايه؟ البش مهندس: كتير.. فرصة تبقي تقابليه.. آمنة: هو مين؟ البش مهندس: الواد اللي بتحبيه آمنة: يا ندامتي يا سيدي البش مهندس: أنا كاشفك كويس.. تفتكريني مصدق ان مفيش حد شاغلك آمنة: ابدا والنبي يا سيدي عمري البش مهندس: أمّال تقلانة عليّا ليه؟ مغلباني ليه؟ آمنة: ما قلت لك يا سيدي.. هو أنا أد المقام.. البش مهندس: 100 مرة أقول لك الحب مفيهوش مقامات.. أفهمك ازاي.. اعمل ايه عشان تصدقيني.. أركع تحت رجليكي.. اديني بركع.. يا آمنة أنا في عذاب.. ليل ونهار بفكر فيكي.. | Medium Shot لآمنة تجلب القمصان للمهندس مع pan right فيأخذها ويضعها في شنطة السفر يمسك يديها ويركع لها chariot in على وجه آمنة cut | 386 |
| | | | مشهد 139 ليل / داخلي بيت سنية | |
| دخول موسيقى 44 | | سنية: اخص عليك يا وحش.. بقى المدة دي كلها ومجتش مصر.. انت بطلت تحبني ولا ايه.. البش مهندس: في صحتك سنية: ياه.. أنا عمري ما شفتك بتشرب بالشكل ده.. البش مهندس: والله يا سنية في واحدة مطلعة عنيّا سنية: يا مسكين.. الحب.. البش مهندس: حب.. ونا بتاع حب! واحدة لية فيها رغبة.. سنية: طب مدام متيم بيها كدة ما تجوزها.. البش مهندس: أتجوزها! دنا لو أقدر أمرمط بيها الأرض بعد ما أطولها متأخرش.. سنية: وزعلان منها عشان بتحمي نفسها.. ولا عاوزها تسلم وتسلم.. لحد ما تبقى في يوم من الأيام واحدة زيّي | Medium Shot لسنية تتحرك تجاه المهندس pan left وتجلس بجانبه يشرب الكأس ينهض من على الكرسي ويقترب من الكاميرا يخرج من يمين الكادر تشرب الكأس cut | 387 |
| خروج موسيقى 44 | | البش مهندس: مكنش قصدي.. معلش سماح.. هاخد كاس سنية: كاس.. كاس وبوسة ونا والكاس في خدمتك.. بس تنسى البش مهندس: فيكم ايه يخلي الواحد يتعلق بيكم لدرجة الجنون سنية: لو تعرف فينا ايه مكنتش تتعلق بينا بالشكل ده | Medium Close-up على وجه المهندس ثم يتحرك تجاه سنية مع pan left يقبلها تقبله تضحك تخلع الروب وتتحرك نحو غرفة النوم يتحرك المهندس نحو المرآة يمسح خذه بالمنديل مكان ما قبلته سنية ثم يترك لها النقود على المنضدة ويمشي.. dissolve | 388 |
| | | | مشهد 140 نهار / داخلي بيت المهندس | |
| دخول موسيقى 45 خروج موسيقى 45 | | آمنة: حمد الله على السلامة يا سيدي البش مهندس: الله يسلمك لآمنة: طولت في مصر يا سيدي البش مهندس: كده.. محدش سأل عليّا ونا غايب آمنة: سألت عليك العافية.. جبتلي حاجة معاك؟ البش مهندس: مكنش في وقت.. الجمعة الجاية.. آمنة: انت هتنزل مصر كل جمعة يا سيدي البش مهندس: بعد اذنك | Long Shot للمهندس يتجه نحو حجرته وتمشي آمنة بجانبه تحمل الشنطة يخلع الجاكتة أشناء مشيه يضع الجاكتة على السرير ويخرج من شمال الكادر تتحرك الكاميرا chariot in على آمنة توضب الشنطة فترى منديل عليه rouge dissolve | 389 |
| | | | مشهد 141 نهار / داخلي حجرة آمنة | |
| | | آمنة: بس هو من يوم ما رجع من مصر وهو متغير.. بعد ما كان تحت رجليّة حاسة انه بيفلت مني.. زنوبة: نوّلتيه المراد.. آمنة: يا ندامة.. ولا خليته يلمس ضفري زنوبة: جدعة.. بس خدي بالك أوي.. الراجل من دول اذا ما طلش المراد يزهج.. يطفش.. آمنة: أرحش للشيخ وهدان يعمله عمل زنوبة: العمل عملك انتي.. اضربي ولاجي.. شدي وارخي.. | Medium Shot لآمنة وزنوبة جالسين على السرير cut | 390 |
| | | آمنة: اني خايفة يا خالة زنوبة لا الغندورة بتاعة مصر تخطفه مني.. ونوبة: غندورة ايه؟ آمنة: اللي لطخت منديله بالهباب الأحمر | Amorce من ظهر زنوبة لوجه آمنة cut | 391 |
| | | ونوبة: شوفوا يا خواتي البت.. تكونيش غويتيه ومخبية عليّا | Amorce من ظهر آمنة لوجه زنوبة cut | 392 |
| | | آمنة: أني أحبه!! زنوبة: أمال مالك ملهوفة جوي عليه كده ليه! آمنة: عشان مش عيزاه يفر من ايدي | Amorce من ظهر زنوبة لوجه آمنة cut | 393 |
| | | زنوبة: آآه.. حليتلك اللعبة.. القطة المغمضة فتحت.. | Amorce من ظهر آمنة لوجه زنوبة cut | 394 |
| | | آمنة: هعمل ايه يا خالة.. رسيني.. زنوبة: زوديله الطعم شوية.. بس خلي بالك من نفسك لا النار اللي عايزة تحرجيه بيها تحرجك.. | نفس تكوين لقطة 390 تتحرك الكاميرا chariot in على آمنة dissolve | 395 |
| | | | مشهد 142 ليل / داخلي حجرة آمنة | |
| دخول موسيقى 46 | صوت غلق الباب | | Medium Shot لآمنة تنظر للنافذة شمال الكادر ثم تجري نحو السرير وتخلع فستانها نرى في العمق يدخل المهندس من باب الفيلا، فتراه آمنة وتستر نفسها cut | 396 |
| | | | Medium Shot للمهندس ينظر يمين الكادر ثم ينصرف غير مبالي ويخرج من شمال الكادر cut | 397 |
| | | | Long Shot لآمنة تتحرك نحو باب غرفتها وتنظر في ذهول dissolve | 398 |
| | | | مشهد 143 ليل / داخلي الصالة | |
| | | | Long Shot آمنة جالسة على الكنبة تشعر بقدوم المهندس فتمثل أنها نائمة يدخل المهندس من الباب يضع الشمسية والطربوش ويتحرك تجاه آمنة ينظر اليها ثم يغطيها cut | 399 |
| خروج موسيقى 46 | | آمنة: سيدي البش مهندس: ايه اللي نيمك هنا يا آمنة آمنة: خايفة.. زي اللي سمعت رجل بتدب في أوضتي جتتي أشعرت البش مهندس: هيكون فيها ايه يعني! آمنة: مش قلتلي انها مسكونة.. أنام هنا يا سيدي؟ البش مهندس: قومي نامي في أوضتك بلا لعب عيال.. دنتي تخوفي 60 عفريت | Medium Shot للمهندس يكمل الoverlap ثم تنهض آمنة يخرج من يمين الكادر dissolve | 400 |
| | | | مشهد 144 ليل / خارجي حديقة الفيلا | |
| | صوت ضفادع وصرصار الليل | آمنة (تغني): تيري ري ري تيري.. وان قلت احبه ما عليّا ملامة آه ياني | Long Shot للمهندس يدخل من البوابة ثم يتحرك نحو السلالم حيث آمنة وتتابعه الكاميرا pan right cut | 401 |
| | | البش مهندس: انتي ايه اللي مقعدك هنا؟ آمنة: أصل يا سيدي الدنيا حر قلت أقعد في الهوا البش مهندس: حر ولا في رجل بتدب جوا في البيت آمنة (تضحك): ما قلنا ما عفريت الا بني آدم يا سيدي البش مهندس: كده! ومالك مش على بعضك كده ليه؟ آمنة: أصل يا سيدي زي الا اكون دايخة.. خدت حبة من الازازة عشان أعرف اللي بيسكروا بيبقوا عاملين ازاي؟ البش مهندس: وعرفتي؟ آمنة: باين كده.. مبسوطة وعايزة ومش جايلي نوم.. البش مهندس: بقى مش من الحر.. طب يلا قومي روحي نامي.. بتضحكي ليه؟ آمنة: عشان انت يا سيدي من ساعة ما رجعت من مصر بقيت جد.. والجد مش لايق لك البش مهندس: مش ده اللي انتي عايزاه آمنة: سيدي | Medium Shot للمهندس شمال الكادر وآمنة يمين الكادر يصعد السلالم فتنهض آمنة ورائه cut | 402 |
| دخول موسيقى 47 | | البش مهندس: عايزة ايه؟ آمنة: رايح مصر امتى؟ البش مهندس: ليه؟ آمنة: عشان تخدني معاك.. مبتعوزش حد يخدمك في مصر؟ البش مهندس: وبعدين وياكي.. انتي عايزة مني ايه بالظبط آمنة: ولا حاجة يا سيدي اعمل معروف البش مهندس: أنا هقولك انتي عايزة ايه آمنة: لا لا يا سيدي.. اعمل معروف يا سيدي.. | Medium Shot للمهندس وآمنة تدخل من يمين الكادر يقبلها بعنف cut | 403 |
| | | | مشهد 145 ليل / داخلي الصالة | |
| | | | المهندس يجري وراء آمنة ومعهم الكاميرا pan left آمنة تحاول أن تدخل حجرتها لكنه يمسك بها ويشدها ويقبلها بعنف تجري منه نحو المنضدة فيجري ورائها، تمسك الvase فيأخذها منها ويلقيها على الأرض cut | 404 |
| | | | Medium Shot لآمنة تمسك بالسكين لكنه يأخذه منها ويرميه cut | 405 |
| | | | Long Shot لآمنة تفلت من المهندس ثم يسقط هو على الأرض pan left آمنة تجري على حجرتها وتغلق الباب يجري المهندس على الباب ويضرب عليه بعنف شديد cut | 406 |
| | | | مشهد 146 ليل / داخلي حجرة آمنة | |
| | | البش مهندس: آمنة.. افتحي يا آمنة.. | Medium Shot لآمنة واقفة على الباب في خوف شديد تغلقه بالمفتاح وخيال المهندس على الباب، وتتراجع آمنة للوراء cut | 407 |
| | صوت ضربة الباب | | Medium Shot للمهندس rear يضرب الباب بقدمه فيفتحه cut | 408 |
| | | | Medium Shot للمهندس face cut | 409 |
| | | | subjective shot من وجهة نظر المهندس.. تتحرك الكاميرا chariot in باتجاه آمنة التي تمسك بلوحة ثم تلقيها على الكاميرا cut | 410 |
| | | | M. Close-up على وجه المهندس يصد اللوحة cut | 411 |
| | | | Medium Shot لآمنة والمهندس يدخل من شمال الكادر يمسك بها ويلقيها على السرير مع pan left ويقبلها بعنف.. تضربه وتفلت منه cut | 412 |
| | صوت قطع القماش | آمنة (باكية): أنا في عرضك يا سيدي.. في عرضك يا سيدي.. | Medium Shot لآمنة تتجه نحو النافذة وراءها المهندس الذي يشدها من الفستان فيقطعه يظل يقبلها حتى تبكي وتركع تحت رجليه cut | 413 |
| | | آمنة: اذا فضحتني مش هعيش في الدنيا ساعة واحدة | subjective shot من وجهة نظر آمنة M. Close-up على وجه المهندس من زاوية منخفضة cut | 414 |
| | | | subjective shot من وجهة نظر المهندس Close-up على وجه آمنة cut | 415 |
| | | | Close-up على وجه البش مهندس cut | 416 |
| | | | Big Close-up على وجه آمنة تبكي cut | 417 |
| خروج موسيقى 47 | | البش مهندس: الصبح مشفكيش هنا.. مش عايزك تستني في بيتي دقيقة واحدة بعد كده | Long Shot لهما من زاوية مرتفعة المهندس واقف وآمنة راكعة له يخرج من شمال الكادر fade out | 418 |
| | | | مشهد 147 ليل / داخلي النادي - بار | |
| دخول موسيقى 48 | bruit المكان | | Medium Shot للمهندس جالس على البار يولع سيجارة ويشرب الخمر dissolve | 419 |
| | | | مشهد 148 نهار / داخلي حجرة آمنة | |
| | | | Medium Shot لآمنة تحضر أغراضها dissolve | 420 |
| | | | مشهد 149 نهار / داخلي البار | |
| | صوت أكواب وصواني | البش مهندس: أبو حميد العامل: أفندم سعادة البيه البش مهندس: ازاي تسيبني نايم هنا العامل: منا جيت أصحي حضرتك مرضتش تصحى.. وخدتني قلمين.. البش مهندس: طب حقك عليا.. أعملي فنجان قهوة وحياتك العامل: حاضر | Long Shot للمهندس نائم على الكنبة في الforeground والعامل يلم الأكواب في الbackground يفوق المهندس ثم يأتي اليه العامل يخرج من شمال الكادر ثم ينهض المهندس ويتحرك لعمق الكادر dissolve | 421 |
| | | | مشهد 150 نهار / خارجي حديقة الفيلا | |
| | | البش مهندس: بسيوني.. آمنة جوة ولا مشيت؟ بسيوني: مشيت من شوية البش مهندس: ما قلتلكش رايحة فين؟ بسيوني: يعني هتروح على فين! اهي هتتلجح عند زنوبة لغاية متشوف شغلانة تانية | Long Shot للمهندس يتحرك تجاه بسيوني مع pan left يتحرك المهندس نحو البوابة مع pan right dissolve | 422 |
| | | | مشهد 151 نهار / خارجي بجانب السكة الحديد | |
| | | البش مهندس: آمنة.. آمنة.. ارجعي البيت | Very Long Shot لآمنة يجري المهندس وراءها حتى يلحق بها cut | 423 |
| خروج موسيقى 48 | | آمنة: انت مش طردتني! البش مهندس: ارجعي البيت بقول لك آمنة: هنرجع للي كان وهترجع تغضب مني تاني البش مهندس: أوعدك اني مش هضايقك بعد كده آمنة: سبني أحسن أروح لحالي البش مهندس: ثقي فيّ المرة دي.. واذا حصل مني أي حاجة قولي عليا قليل الأصل آمنة: وعلى ايه يا سيدي.. أروح وتيجي غيري.. البش مهندس: لا يا آمنة.. لو كنتي تتعوضي مكنتش جيت وراكي.. أنا لو مكنتش لحقتك كنت هفضل طول عمري ندمان على اني فرطت فيكي.. ارجعي يا آمنة.. | Medium Shot لهما يأخذ ذراعها ويرجعا مع pan left dissolve | 424 |
| | | | مشهد 152 نهار / خارجي أمام بوابة الفيلا | |
| | صوت عصافير | بسيوني: يا بش مهندس.. البيه الكبير شرف من مصر البش مهندس: جه امتى؟ بسيوني: من شوية البش مهندس: متشكر | Long Shot للمهندس وراءه آمنة يتقدمان نحو البوابة فيرى بسيوني يتحركوا للشمال مع pan left cut | 425 |
| | صوت عصافير | | Long Shot للمهندس يصعد السلالم وآمنة تتجه لليمين cut | 426 |
| | | | مشهد 153 نهار / داخلي الصالة | |
| | | البش مهندس: حمد الله على السلامة يا بابا.. ايه المفاجأة اللطيفة دي.. الأب: اعمل ايه اذا كان ابني الوحيد مخاصم مصر ومخاصمني البش مهندس: أنا استغنى أبدا | Long Shot للمهندس يدخل من الباب ويتجه نحو ابيه مع pan left يقبل يده cut | 427 |
| | | البش مهندس: القهوة أوام يا آمنة الأب: باين عليك مستغني.. تسمح تفهمني ايه اللي مخليك لابد هنا بعد ما كنت كل جمعة بتنطلي في مصر وتزن على وداني اني اسعالك في النقل البش مهندس: لقيت النط مفيهوش فايدة.. قلت أركز بقى.. الأب: بقينا متفقين.. وأنا جاي أطالبك بانك تركز بقى.. اتفضل نقيلك واحدة من دول البش مهندس: ايه دول يا بابا؟ الأب: دي 3 عمارات.. ودي 3000 فدان.. ودي 50000 جنيه على اسمها في البنك.. نقيلك واحدة منهم.. أنا هثبت للمأمور اللي رجعلي الشبكة اني كنت هتنازل واناسك واحد شحات البش مهندس: يا بابا لا مؤاخذة اعفيني.. الأب: نعم! أعفيك! السبب ايه؟ البش مهندس: اسمحلي يا بابا اللي اتجوزها لازم اشوفها بعيني.. لازم أكلمها.. الأب: ما شاء الله.. وأظن لازم تكون رقصت وياها.. عال أوي دحنا اتفرنجنا خالص.. | Medium Shot لهما profile ثم يجلس المهندس بجانب ابيه يخرج الأب مجموعة صور من جيبه يعطيهم للمهندس يرجع الصور لأبيه cut | 428 |
| | | البش مهندس: يا بابا لازم أفهمها وتفهمني.. وأحس انها تقدر تكون شريكتي في الحياة.. الأب: كلام ايه اللي ملوش طعم ده.. شركة ايه وزفت ايه! أنا بكلمك في جواز مش تفتح محل منيفطورة البش مهندس: يا بابا فاهم بتكلمني عشان أفتح بيت الأب: بقى اسمع اما أقولك.. أنا مودتكش المدارس عشان تتلامض عليّ وتعمل راسك براسي.. كفاية الكلام اللي بيوصلي.. البش مهندس: كلام ايه يا بابا؟ الأب: مفيش لزوم.. انت فاهمني كويس | Medium Shot لآمنة قادمة بالصينية حتى تصل اليهما تقدم لهما القهوة فينظر اليها ابوه تنصرف آمنة cut | 429 |
| | | | مشهد 154 نهار / داخلي المطبخ | |
| دخول موسيقى 49 | | الأب: نقيلك واحدة وخلصني البش مهندس: يا بابا أبوس ايدك خدني على أد عقلي.. الأب: يعني ايه؟ تعصى عليّ؟ البش مهندس: يا بابا أرجوك افهمني.. أنا مقدرش اتجوز واحد لمجرد انها غنية وشفت صورتها.. لازم أحبها.. | Medium Shot لآمنة تسمع الحوار بينهما تبتسم آمنة dissolve | 430 |
| | | | مشهد 155 نهار / خارجي حديقة الفيلا | |
| خروج موسيقى 49 | صوت الكروان | آمنة: كده تخلي سيدي الكبير يسافر زعلان.. امتى بقى هتسافر عشان تصالحه البش مهندس: انتي عايزة تخلصي مني.. لا يا ستي منيش مسافر.. آمنة: بقى ولا واحدة منهم عجباك! البش مهندس: اللي عجباني واحدة تانية غير دول خالص.. آمنة: جاعدة في مصر بردك البش مهندس: جاعدة في جلبي آمنة: يا ترى مين؟ البش مهندس: هتعرفيها في يوم من الأيام آمنة: هتوريهالي يا سيدي؟ البش مهندس: طبعا.. ولو معجبتكيش مش هتجوزها آمنة: ومنين تضمن انها هتعجبني؟ البش مهندس: أنا عارف زوقك.. تعرفي لما بتبتسمي شكلك بيتغير خالص آمنة: هوايه ده البش مهندس: متكشريش أبدا خلي وشك يبتسم كده على طول | Medium Shot للمهندس جالس يأخذ افطاره ثم تأتي آمنة تقدم له الشاي يضحكا cut | 431 |
| | | | Close-up على وجه آمنة cut | 432 |
| دخول موسيقى 50 | | البش مهندس: مالك؟ أنا حسدتك آمنة: أبدا.. أصلي سمعت الكروان البش مهندس: واللي يسمع الكروان يكشر! ده بيقول الملك لك لك يا صاحب الملك | نفس تكوين لقطة 431 cut | 433 |
| | | آمنة: ساعات.. وساعات بيقول اشكيه لك لك لك يا صاحب الملك | Amorce من ظهر المهندس لوجه آمنة cut | 434 |
| | | البش مهندس: دنتي متبحرة أوي في لغة الطيور.. وبيقول كده على مين؟ | Amorce من ظهر آمنة لوجه المهندس cut | 435 |
| | | آمنة: أنا عارفة بقى.. أهو كلام.. البش مهندس: أنا عمري ما خدت بالي بيقول ايه آمنة: هتاخد بالك امتى.. في الفجر بتكون رايح في النوم.. وبالليل منتاش فاضي له.. البش مهندس: ونا صغير كنت بصحاله بدري عشان أوقعه في الفخ آمنة: طول عمرك وانت آسي | Amorce من ظهر المهندس لوجه آمنة cut | 436 |
| | | البش مهندس: ما تبقيش عبيطة.. لما بيقع في الفخ بيبقى في ايدي.. بيبقى ملكي.. لكن على الشجرة هعمل بيه ايه؟ آمنة: على الشجرة وهو حر هيسمعك صوته.. لكن وهو في ايدك أسير عمره ما هيصفعلك البش مهندس: انتي هتخليني أندم آمنة: وهينفع بايه الندم.. البش مهندس: يا رتني عرفتك من زمان كنتي علمتيني الشفقة آمنة: اتعلم الشفقة من غيري.. أنا جلبي بجى حجر البش مهندس: انتي! قلبك حجر! ايه اللي قسّاه | Medium Shot لهما cut | 437 |
| | | آمنة: واحد زيك كانت غيته ينصب الفخ | Amorce من ظهر المهندس لوجه آمنة cut | 438 |
| | | البش مهندس: قوليلي يا آمنة.. انتي سبقلك حبيتي.. | Amorce من ظهر آمنة لوجه المهندس cut | 439 |
| | | آمنة: كان ليّ اخت حبت وجتلها الحب البش مهندس: ازاي؟ احكيلي.. آمنة: ما جلت لك وجعت في الفخ.. وعندنا اللي تفرط ملهاش الا الموت | Amorce من ظهر المهندس لوجه آمنة cut | 440 |
| | | البش مهندس: واللي حبها عمل ايه؟ سبها تموت؟ | Amorce من ظهر آمنة لوجه المهندس cut | 441 |
| | | آمنة: الصياد عمره ما بيفكر في الطير اللي وقع.. كل همه في الصيد الجديد.. | Amorce من ظهر المهندس لوجه آمنة cut | |
| | | البش مهندس: لكن هي غلطانة.. ما حفظتش على نفسها | Amorce من ظهر آمنة لوجه المهندس cut | 442 |
| | | آمنة: دايما العصفور هو اللي غلطان والصياد ما عليهش لوم.. | M. Close-up على وجه آمنة cut | 443 |
| | | | M. Close-up على وجه المهندس cut | 444 |
| | | | M. Close-up على وجه آمنة cut | 445 |
| | | | M. Close-up على وجه المهندس cut | 446 |
| | | | M. Close-up على وجه آمنة cut | 447 |
| خروج موسيقى 50 | | | Medium Shot لهما ثم تنصرف آمنة نحو العمق dissolve | 448 |
