| م | وصف الصورة | وصف الصوت |
| | | الحوار | المؤثرات | الموسيقى |
| 351 | لقطة عامة long shot لهرم وهو مستلقى على اريكة خشبية داخل الزنزانة على يمين الكادر ونرى الشيخ حسنى يدخل الزنزانة فى يسار الكادر يتحسس الحائط ويمشى ببطئ ويأتى الى مقدمة الكادر فى حجم medium long shot وهرم مستلقى وراؤه Cut | الشيخ حسنى : سلام عليكم المساجين : سلام ورحمة الله وبركاته | |  |
| 352 | لقطة متوسطة medium shot لهرم وهو مستلقى على الاريكة وخلفه واحد من المساجين جالس نائما ويستند برأسه على الحائط , وبعد ان يدرك هرم انه الشيخ حسنى ويسأله عن مجيئه ويقوم من جلسته Cut | هرم : شيخ حسنى .. انت ايه اللى جابك يا شيخ حسنى | | |
| 353 | لقطة متوسطة medium shot للشيخ حسنى من زاوية منخفضة low angle وهو يحاول العثور على مكان هرم فى الزنزانة ويمشى الى يسار الكادر وتتابعه الكاميرا بحركة افقية pan left حتى يصل الى الاريكة الجالس عليها هرم ويجلس وتنزل معه الكاميرا tilt down ثم يعطى هرم لفافة بها اكل وسجائر Cut | الشيخ حسنى : الله جيت اشوفك يا اخى واطمن عليك .. ازيك ياهرم هرم : ازيك يا شيخ حسنى ... ايه ده الشيخ حسنى : ده اكل زى مانت شايف كده يعنى هرم : علشانى الشيخ حسنى : ان شاء الله .. السجاير هرم : كمان . الشيخ حسنى : معايا حتة كمان لو عايز هرم : بقولك ايه انا فى عرضك | | |
| 354 | لقطة قريبة close up لهرم وهو ينظر يمين كادر للشيخ حسنى Cut | هرم : شيخ حسنى ... هات من الاخر انت عاوز ايه يا شيخ حسنى | | |
| 355 | لقطة قريبة close up shotللشيخ حسنى وهو ينظر يسار الكادر لهرم Cut | الشيخ حسنى : الله .. جيت ازورك يا اخى واعمل الواجب .. ده انت امرك غريب .. سلام عليكم | | |
| 356 | لقطة متوسطة لشخصين medium 2 shots للشيخ حسنى وهرم من زاوية 3/4 front والشيخ حسنى يقوم من جلسته ويقف , ثم يجلس مرة اخرى وبعد انهاء كلامه يقوم من جلسته ليخرج خارج الزنزانة فيقف فى حجم متوسط medium shot من زاوية منخفضة low angle والكاميرا تتابع سيره بحركة افقية الى اليسار pan left Cut | هرم : سلام الشيخ حسنى : بقوللك ايه يا هرم هرم : ايه الشيخ حسنى : انت عارف ان معاون مباحث كبس علينا امبارح هرم : لا معرفش الشيخ حسنى : انت اللى بلغت يا هرم هرم : لو انا اللى بلغت مكنتش ابقى فى التخشيبة يا مفتح الشيخ حسنى : طيب .. فوتك بعافية اذا عوزت اى حاجة ياهرم ابقى ابعتلى وانا ان شاء الله حبقى آجى واطمن عليك واطل عليك .. سلام عليكم هرم : سلام ورحمة الله وبركاته الشيخ حسنى : مش انت اللى بلغت ياهرم هرم : يا اخى لا مش انا الشيخ حسنى : يا شاويش | | |
| 357 | لقطة متوسطة medium shot لهرم وهو يجلس على الاريكة فى الزنزانة ثم يقوم من جلسته وهو يحمل الفافة التى بها الاكل ويذهب نحو صديق له فى الزنزانة وتتابعه الكاميرا بحركة افقية الى اليمين pan right , ثم يجلس على الارض بجانب صديقه فى الزنزانة حتى يصبح الكادر لقطة متوسطة لشخصين medium 2 shot لهرم وصديقه فى الزنزانة من زاوية 3/4 front Cut | هرم : خدنى جنبك كده .. كل صديقه المسجون : تشكر يا معلم .. انت مش حتاكل ولا ايه يا معلم هرم : لا انا ماليش نفس .. ماليش مزاج كل انت بالهنا والشفا وبر نفسك وبعد ما تاكل حرقعك علبة سجاير صديقه المسجون: خير يا معلم هرم : ان شاء الله خير ولما تخرج من هنا حرزعك عشرة جنيه صديقه المسجون : فهمنى انت عاوز ايه بالظبط يا معلم هرم : انت ان شاء الله مش خارج بكرة الصبح صديقه المسجون : ايوة مش عايز توصلش حاجة .. احنا نخدموك من غير حاجة هرم : ايه ده .. انت اسكندرانى اجدع ناس بقولك ايه .. ممكن تقلع هدومك صديقه المسجون : اشمعنه هرم : ايه ممكن ولا ايه .. لا مش دلوقتى مش دلوقتى بعدين .. بعدين | | |
| | مشهد 50 نهار/داخلى الحجرة المهجورة ملك سليمان الصايغ | | | |
| 358 | لقطة عامة long shot لنافذة حديدية يجلس عليها حمامتين Cut | فاطمة : عارف انا نفسى فى ايه .. نفسى ادخل جواك | | |
| 359 | لقطة عامة long shot ليوسف وفاطمة وهما يجلسان على الارض يوسف زاويته side angle وفاطمة زاويتها eye level shot تتحدث معه وهو لا ينظر لها وفى منتصف كلامها تقوم من جلستها وتتحرك الى يمين الكادر وتتابعها الكاميرا بحركة pan right من زاوية منخفضة Low angle حتى تصل الى النافذة الحديدية وتنظر منها Cut | فاطمة : نفسى صدرك يسعنى .. ادخل جواه زى العيل فى بطن امه .. عارف اول ماتجوزت .. ليلة الدخلة جه الراجل خدنى لوكاندة .. لوكاندة كانت فى العتبة .. حسيت انى حتخنق .. تانى يوم الصبح رجعت لامى جه ورايا .. قولتله لا مش عاوزة لوكاندة فضلت قاعدة عند امى لحد ما اجر شقة مفروشة كانت فى العجوزة روحت هناك خوفت .. اوض ياخويا واسعة لو قعدت فى اوضة لوحدة اخاف .. قولتله لا نروح لامى .. عارف مخليتوش يقربلى الا فى بيت امى .. بعد كده بقى هوه قاعد فى الشقة بتاعته ولما يعوزنى يبقى ييجى بيت امى .. لحد ما سافر فضلت ابعتله جوابات وهو يرد عليا وكل مرة يقولى جى الشهر الجاى جاى الشهر الجاى وفى الاخر بعتلى الورقة محدش يعرف الحكاية دى مش عايزه حد يشمت او يفرح .. ولا حتى امى .. امى كانت بتقولى كنت اسافر معاه .. مقدرش | | |
| 360 | لقطة متوسطة medium shot ليوسف وهو يجاس على الارض واضعا يده على خده ينظر لفاطمة فى جمود Cut | فاطمة : اذا كنت مقدرتش اسيب الحتة حقدر اسيب البلد يوسف : وايه اللى يخليكى بقى مش قادرة تسيبى الحتة | | |
| 361 | لقطة متوسطة medium shot لفاطمة من زاوية منخفضة low angle وهى تنظر ليوسف Dissolve | فاطمة : والنبى ماعرف انا عاملة زى السمك مايقدرش يخرج من المية تقول عليا خيبانة مش مهم انا عارفة ان كل الناس بتتكلم عليا بس هية الناس كده مابتسيبش حد فى حاله | | |
| 362 | لقطة عامة بعيدة very long shot للحارة من زاوية من عالية high angle وكلام فاطمة voice over علي هذه اللقطة من وجهة نظرها Dissolve | فاطمة v.o : كل واحد بيتكل عن التانى | | |
| 363 | لقطة عامة long shot لباب منزل فى الحارة والكاميرا تتحرك افقيا من اليمين الى اليسار pan left حتى تظهر لنا الحارة وعمق المجال فيها وكلام فاطمة voice over علي هذه اللقطة من وجهة نظرها Dissolve | فاطمة v.o : زى منا بتكلم على الناس .. والمصيبة ان مافيش حاجة فى الحتة كلها بتستخبى | | |
| 364 | لقطة عامة بعيدة very long shot لبائع طماطم فى عمق الكادر بعيد جدا Dissolve | | | |
| 365 | لقطة عامة long shot لبيوت قديمة فى الحارة Dissolve | | | |
| | مشهد 51 ليل / خارجى فى الحارة | | | |
| 366 | تبدأ اللقطة بحركة كاميرا افقية الى اليسار pan left من على جدار منزل قديم الى الشيخ حسنى وسليمان الصايغ من الخلف وزاويتهم full rear وحجمهم متوسط medium 2 shot والكاميرا تتابع سيرهم dolly in من خلفهم حتى تقابلهم فتحة فى اليسار فيدخلون منها فتقف الكاميرا ونراهم من بعيد وهما يذهبان ناحية موتوسيكل سليمان فى حجم long shot ثم يركبان الموتوسيكل يمشيان الى عمق الكادر . Cut | الشيخ حسنى : يعنى محصلش اى نوع من الزعل بينك وبينها قبل كده يا سليمان سليمان : محصلش خالص والله ياعم الشيخ الشيخ حسنى : عظيم قعد هناك ساكت كده وسيبنى انا اتكلم .. حاكم روايح دى معرفة قديمة ست طيبة وخيرة .. آه .. ما ترتاح انت يا سليمان واسوق انا سليمان : لا مافيش لا تعب ولا حاجة الشيخ حسنى : بجد والله سليمان : لا معلش شكرا .. امسك بس دولا .. امسك بعد اذنك بس دولا الشيخ حسنى : انت يظهر خايف من المرة اللى فاتت سليمان : لا ولا خايف ولا حاجة الشيخ حسنى : يا راجل دى كانت كده حادثة بالصدفة يعنى سليمان : اركب ياعم الشيخ اركب الشيخ حسنى : حتعرف تسوق بينا سليمان : ان شاء الله الشيخ حسنى : على بركة الله سليمان : ماشى الشيخ حسنى : اديها .. ايه ده الله .. الله .. ماتبقى تصلح الفزبة بتاعتك دى يا سليمان سليمان : كويسة اوى كده الشيخ حسنى : دى حاجة عجيبة اوى يا اخى .. طب كنت اسوق انا يا اخى سليمان : لا الحمد لله كويس الشيخ حسنى : ابقى صلحها المرة اللى جاية | | |
| | مشهد 52 ليل/ داخلى شقة الست ام روايح | | | |
| 367 | لقطة متوسطة medium shot للشيخ حسنى من زلوية side angle وهو يصب كأس بيرة له و نرى بجانبه سليمان ايضا بزاوية side angle وفى خلفية الكادر ام روايح تأكل بزاية eye level shot Cut | الشيخ حسنى : ازيكم يا بنات | | |
| 368 | لقطة عامة long shot لمنضدة السفرة حيث نرى عليها الشيخ حسنى وبجانبه سليمان وعلى مقدمة المنضدة ام روايح والبنتان واحدة منهم امام الشيخ حسنى حسنى فى الاتجاه المقابل والثانية اما سليمان فى المقابل على المنضدة Cut | البنات يرددون : الحمد لله يا شيخ حسنى .. كويسين الشيخ حسنى : والله زمان يا ام روايح ام روايح : ان شا الله تسلم يا حسنى | | |
| 369 | لقطة متوسطة medium shot للشيخ حسنى من زلوية side angle و نرى بجانبه سليمان ايضا بزاوية side angle وفى خلفية الكادر ام روايح تأكل بزاية eye level shot Cut | الشيخ حسنى : حسنى ... بقالى زمان الكلمة دى وحشانى والله ام روايح : يوه .. انت مابتاكلش ليه ياخويا سليمان : انا سليمان جوز بنتك روايح ام روايح : هه .. منا عارفة .. ازى الموتوسيكل | | |
| 370 | لقطة متوسطة لشخصين medium 2 shot لبنتان ام روايح وهن يضحكان بسخرية على سيرة الموتوسيكل Cut | | | |
| 371 | لقطة متوسطة لشخصين medium 2 shot لسليمان والشيخ حسنى وهما يضحكان ايضا Cut | الشيخ حسنى : حلوة .. حلوة سليمان : كويس الشيخ حسنى : اصل سليمان كان عايز يطل عليكى من بدرى اصل هوه اصله كان مكسوف شوية | | |
| 372 | لقطة قريبة close up shot للست ام روايح وهى تنظر الى سليمان Cut | ام روايح : مكسوف .. مكسوف من ايه ياخويا | | |
| 373 | لقطة قريبة close up shot لسليمان وهو ينظر للست ام روايح ثم ينظر الى اسفل فى خجل ثم يلتفت الى يسار الكادر فى خجل ولا يريد ان تأتى عينه فى عينها . Cut | | | |
| 374 | لقطة عامة long shot لمنضدة السفرة حيث نرى عليها الشيخ حسنى وبجانبه سليمان وعلى مقدمة المنضدة فى الخلفية فى عمق الكادر ام روايح , والبنتان واحدة منهم امام الشيخ حسنى فى الاتجاه المقابل والثانية اما سليمان فى المقابل على المنضدة .. تتحرك الكاكيرا حركة افقية الى اليسار pan left ببطئ لتركز الحدث على الثلاث اشخاص الشيخ حسنى وسليمان وام روايح Cut | ام روايح : يالا يا بنات .. اغسلوا ايديكوا واعملولنا شاى .. مظبوط البنات : حاضر | | |
| 375 | لقطة متوسطة لشخصين medium 2 shot لسليمان والشيخ حسنى Cut | الشيخ حسنى : وازى روايح ؟ | | |
| 376 | لقطة متوسطة لشخصين medium 2 shot لسليمان بزاوية side angle والست روايح تنظر له بزاوية full front face Cut | ام روايح : يووه .. هية روايح مش معاك | | |
| 377 | لقطة over shoulder من وجهة نظر ام روايح لسليمان وهما الاثنين فى حجم متوسط medium shot Cut | سليمان : هية ماجاتش عندك امبارح | | |
| 378 | لقطة over shoulder من وجهة نظر سليمان الى ام روايح وهما الاثنين فى حجم متوسط medium shot Cut | ام روايح : اعدمك لو كنت شوفتها من ييجى اسبوع | اغنية لام كلثوم | |
| 379 | لقطة over shoulder من وجهة نظر ام روايح لسليمان وهما الاثنين فى حجم متوسط medium shot Cut | سليمان : اسبوع .. ! | اغنية لام كلثوم | |
| 380 | لقطة متوسطة medium shot للشيخ حسنى وهو متكئ على الاريطة يستند برأسه الى الحائط فى تعجب تتحرك الكاميرا track out مع حركة افقية الى اليمين pan right لنستعرضهم وهما الثلاثة يفكران , وبعد ان يأمره الشيخ حسنى بالذهاب تتحرك الكاميرا tilt up بسيط Cut | الشيخ حسنى : الله الله اسبوع .. امال انتى ماتعرفيش هية راحت فين يا ام روايح ام روايح : يالهوى تكون عملتها المضروبة سليمان : عملت ايه ام روايح : هه الشيخ حسنى : خدلك سكة انت يا سليمان .. اتكل يابنى على الله وانا حقعد شوية مع الست ام روايح سليمان : حاضر ( يقوم من جلسته ) الشيخ حسنى : مع السلامة يابنى .. الله لا يسيئك | اغنية لام كلثوم | |
| | مشهد 53 ليل / خارجى الحارة | | | |
| 381 | لقطة عامة بعيدة very long shot لسليمان وهو يخرج من منزل ام روايح حزين ويائس ينظرالى الارض يفكر فى حاله ويفكر اين تكون زوجته , فيأتى من عمق الكادر الى مقدمته ببطئ شديد و تحرك الكاميرا حركة افقية بسيطة الى اليسار لتبين لنا بائع السميط فى الكادر , حيث يقف امامه سليمان ويظر له فى حجم medium long shot ثم يمشى الى مقدمة الكادر وتتابعه الكاميرا بنفس حركتها الافقية حتى يقف امام القهوة ويجرى عليه القهوجى يدعوه للدخول فيكون الكادر over shoulder من وجهة نظر سليمان الى القهوجى . ثم يدخل سليمان الى القهوة ويجلس على اريكة خشبية Cut | بائع جائل : سميط وبيض وجبنة .. سميط وبيض وجبنة القهوجى : استاذ سليمان .. اتفضل يا استاذ سليمان .. اتفضل .. اتفضل ده انت تنور | | |
| | مشهد 54 ليل/ داخلى منزل الست ام روايح | | | |
| 382 | لقطة قريبة close up shot على الست ام روايح وهى تستمع الى الشيخ حسنى ثم نرى يد الشيخ حسنى امسكت بها وهى تضحك Cut | الشيخ حسنى : مرة واحدة قفشت | | |
| 383 | لقطة متوسطة لشخصين medium 2 shot للشيخ حسنى والست ام روايح وامامهم كوبايتين من الشاى ونرى ان الاثنان كل منهما يمسك يد الاخر ويضحكون Cut | الشيخ حسنى : حرامى .. حرامى ام روايح : الله يجازيك يا شيخ حسنى الشيخ حسنى : والله زمان يا عواطف .. فاكرة لما كنا بنلعب فى الغيطان لعبة العريس والعروسة ام روايح : يووه .. ده كان لعب عيال يا حسنى الشيخ حسنى : اههه لعب عيال بردو .. طيب ماتيجى نلعب يا بت ام روايح : سى حسنى .. الغيطان خلصت .. بقيت عماير وبيوت والعيال كبروا | | |
| 384 | لقطة قريبةclose up للشيخ حسنى وهو ينظر الى يسار الكادر فى اسى وحزن Cut | ام روايح : والايام خلصتلنا شبابنا .. الشيخ حسنى : لا بس احنا لسه | | |
| 385 | لقطة متوسطة لشخصين medium 2 shot للشيخ حسنى والست ام روايح وامامهم كوبايتين من الشاى Cut | الشيخ حسنى : احنا لسه مخلصناش يا عواطف ام روايح : يا سى حسنى .. يا سى حسنى البنات فى البيت .. فى البيت الشيخ حسنى : اه .. اه .. طيب .. استأذن انا بقى لحسن الوقت اتأخر ام روايح : ما بدرى .. ابقى ودنا يا شيخ حسنى الشيخ حسنى : والله ان الود ودى اجيلك كل يوم يا عواطف ام روايح : ياخويا وايه اللى حايشك ابقى تعالى .. ده انا حتى ببقى قاعدة زهقانة لوحدى البنات بيسبونى ويخرجوا .. ومعزمين بكرة عالسيما مع خطيب امينة من 9 الشيخ حسنى : كده طب خلاص يروحوا هما السيما من تسعة وانا اجيلك من بكرة .. نتفرج عالتلفزيون سوا ان شاء الله ام روايح : تآنس وتنور مع الف سلامة | | |
| | مشهد 55 ليل / خارجى القهوة التى يجلس عليها سليمان | | | |
| 386 | لقطة متوسطة medium shot للقهوجى وهو يضبط الراديو Cut | | | |
| 387 | لقطة عامة بعيدة very long shot ليسوف وهو يشرب زجاجة بيرة ونراه فى عمق الكادر بعيد جدا وفى المقدمة نرى اناس يشربون البيرة ولكن كلهم out of focus ... ثم تتحرك الكاميرا tracking left ببطئ شديد تستعرض القهوة كلها ومن فيها ونتابع القهوجى فى عمق الكادر وهو يمشى فى حذر ناحية المعلم عطية ويجلس بجانبه ويتحدث معه فى عمق الكادر فى حجم long shot ويبلغه على ان اتباع الشيخ حسنى وصلوا القهوة وفى منتصف حديثهم يدخل زبون من يمين الكادر ليدفع حسابه , ثم يتحرك الزبون من عمق الكادر الى مقدمته فعندما جاء بالقرب من عدسة الكاميرا تحركت الكاميرا track left الى اليسار لنرى تكوين آخر فيه سليمان يجلس فى بؤس وحزن وامامه من اصدقؤه لا نعرفهم .وبعد ان ينتهى حديثه معهم يقوم من جلسته ويعطى ظهره للكاميرا ويمشى الى عمق الكادر وهو سكران ويعبر بجانب يوسف فينظر له يوسف وهوه مصدوم من شكله .. ثم يمشى ويخرج من باب المقهى ثم نرى المعلم عطية يقوم ايضا من جلسته ويمشى وراء لسيمان فى اتجاهه الى دورة المياة فيختفوا الاثنين من الكادر Fade out | القهوجى : بص .. شلة الشيخ حسنى جت .. هوه ناوى ييجى المعلم عطية : اخرس انت .. الله يخرب بيتك يا شيخ حسنى ( ثم يضحك ) الزبون : اتفضل القهوجى : خلى .. خلى علينا النوبة دى سليمان : يعنى انا ليا واحد صاحبى .. هوه طيب طيب اوى حالته متيسرة والحمد لله .. هوه بيحكيلى يعنى ان هوه متجوز ييجى من عشرة خمسة عشر سنة وعمره ما كان بيتكلم مع مراته يعنى .. بس مجتش ف باله الحكاية دى .. مش ف دماغه يعنى .. بعد ييجى عشرة خمسة عشر سنة قالتله بقى .. انت عمرك ما اتكلمت معايا تصحى من النوم صباح الخير .. ترجع من الشغل مساء الخير .. وبعدين تتفرج عالتلفزيون . وبالليل يعنى لو ...! لا مؤاخذة يعنى .. عاوز .. هه .. فاهم فاهمنى يعنى .. هوه مش واخد باله م الحكاية دى يعنى قالتله قبل .. حسيبلك .. حسيبلك البيت صديق : وبعدين عملت ايه سليمان : مم .. ايه .. ولا حاجة ياعم .. اداها علقة محترمة وبقت ماشية زى السهم صديق : جدع بصحيح | | |
| | مشهد 56 فجر / خارجى امام عربة الفول الخاصة بعم مجاهد | | | |
| 388 | Fade in لقطة متوسطة للشيخ حسنى medium shot ممسكا بيده طبق نحاسى صغير ويده الاخرى يتحسس بها ما امامه ويصدر منها اصواتا لكى يعرف طريقه وتتابعه الكاميرا بحركة افقية الى اليسار pan left حتى نراه من ظهره وامامه قدرة الفول ويجلس بجانبها عم مجاهد شاردا Cut | | | |
| 389 | لقطة متوسطة قريبة medium close shot للشيخ حسنى وهو يقوم بأخذ ما يريده من قدرة الفول بيده واليد الاخرى ممكسة بالطبق النحاسى
| الشيخ حسنى : صباح الخير يا عم مجاهد .. ايه انت لسه بردو زعلان منى .. ياعم مجاهد انت ظالمنى .. ورحمة ابويا انت ظالمنى انت عارف المعلم عطية كان بيدفع ايجار للقهوة قد ايه كل شهر ؟ .. خمسة جنيه وستين قرش وايجار الشقة كان بيروح للمية .. والمرتب عملت توكيل لامى تقبضه اول كل شهر علشان مصروف البيت .. بتكلمنى عن ايه .. عن الحشيش .. الحشيش ده هوه الذنب الوحيد اللى ف حياتى .. بعد ما ماتت ام يوسف مكنش عندى حتى بنى آدم اكلمه .. انا بكلم الناس حوالين الجوزة بفضفض .. بضحك واغنى بحاجة حلوة لغاية مموت بيت ايه اللى انت بنيته مع ابويا طوبة طوبة .. كنت فين انت ياعم مجاهد قدرت تعمل ايه لما مرات ابويا خدت الشقة وديتها لولدها هه .. عملت ايه | | |
| 390 | لقطة متوسطة medium shot لعم مجاهد وهو جالس حزين شارد الذهن كانه يركز بنظره على شئ ما Cut | الشيخ حسنى : الحكتية مش حكاية البيت ياعم مجاهد ..المشكلة | | |
| 391 | لقطة متوسطة قريبة medium close shot للشيخ حسنى وهو يبكى ويستستمح عم مجاهد بزاوية 3/4 front . وبعد انتهاء حديث الى عم مجاهد ويعطى للكامير ظهره ويمشى الى عمق الكادر ثم يقف فجأة . Cut | الشيخ حسنى : مشكلة الناس اللى عايشة .. ولازم تعيش .. ماتظلمنيش يا عم مجاهد .. لا مؤاخذة يعنى مغرفة الفول اللى كانت بمليم بقت دلوقتى بنص ريال .. سلام عليكم | | |
| 392 | لقطة متوسطة medium shot لعم مجاهد وهو جالس يكاد يكون نام وهو جالس بجانب قدرة الفول Cut | | | |
| 393 | لقطة over shoulder من وجهة نظر عم مجاهد الى الشيخ حسنى وهو يلتفت فى اتجاه عم مجاهد ويتقدم نحوه ممسكا طبق الفول النحاسى . ثم يضعه بجانبه ويقف امام عم مجاهد مباشرة ثم ينحنى ويمسك يده ليقبلها ثم فجأة يتركها فتقع يد عم مجاهد فينادى عليه ويتحسسه بيده ثم ينحنى ليضع اذنه على قلب عم مجاهد ليعرف انه قد مات Dissolve | الشيخ حسنى : سامحنى يا عم مجاهد .. وادى ايدك كمان ابوسها ... الله .. عم مجاهد .. عم مجاهد .. عم مجاهد .. لا اله الا الله .. لا اله الا الله | | |
| 394 | لقطة over shoulder من وجهة نظر عم مجاهد الى الشيخ حسنى وهو يلتفت فى اتجاه عم مجاهد ويتقدم نحوه ثم ينظر الى يسار الكادر ويدخل ناحية اليسار ليأتى بشئ معين وهى عربة الفول الخاصة بعم مجاهد ثم يخلع الشيخ حسنى عبائته ويتقدم نحو عم مجاهد وهو يقول الشهادة فى سره .. ثم يحمل عم مجاهد كأنه يحمل طفله Dissolve | | | |
| 395 | لقطة عامة long shot للشيخ حسنى وهو يحمل عم مجاهد ويضعه داخل عربة الفول الخشبية Dissolve | | | |
| 396 | لقطة عامة بعيدة very long shot من زاوية مرتفعة high angle لنرى الشيخ حسنى يجر عربة الفول وراؤه وبها عم مجاهد يغطيه بعبائته ولا نرى سوى قدميه متدلين من العربة وتنزل الكاميرا بحركة crane down لاسفل ببطئ ونرى عمق الحارة كله والشيخ حسنى يسير فيها ويجر عربة الفول خلفه . ثم يقف فجأة امام منزل من المنازل وينقر على الباب مستغيثا Cut | الشيخ حسنى : يا منصور .. يا منصور .. يا منصور | | |
| | مشهد 57 نهار / داخلى داخل قسم الشرطة | | | |
| 397 | لقطة قريبة close up لعسكرى ينظر بحدة subjective shot Cut | | | |
| 398 | لقطة متوسطة medium shot لضابط الشرطة وهو جالس على المكتب ممسكا ببعض الاوراق ينظر فيها ثم ينظر الى باب غرفته Cut | | | |
| 399 | لقطة عامة long shot لهرم وهوه يدخل غرفة الضابط ويمسكه العسكرى من ( الكلابشات ) الموجودة بيده Cut | | | |
| 400 | لقطة over shoulder من وجهة نظر هرم لضابط الشرطة بعدسة قصيرة البعد البؤرى لتتيح لنا رؤية المكتب بأكمله ومساعد الضابط الذى يجلس بجانبه Cut | الضابط : فك الكلابشات واستنى بره | | |
